Darwin အနီးရှိ မိသားစုပိုင် လယ်ယာတစ်ခုသည် မြောက်ပိုင်းနယ်မြေ၏ ပင်မှည့်သီးအများ ဆုံးထုတ်လုပ်သူဖြစ်လာသည်။ Moon မိသားစု၏ လယ်ယာလုပ်ငန်းသည် အချိန်ပြည့် စီးပွားရေး လုပ်ငန်းတစ်ခု ဖြစ်လာသည်အထိ ထုတ်လုပ်မှုကို တိုးချဲ့ခဲ့သည်။

အရောင်းအ၀ယ်လုပ်သူ Jason Moon က Top End နှင့် အဆင်ပြေမည့် မျိုးကွဲ အမျိုးမျိုးကို စမ်းသပ်ပြီးနောက် ပင်မှည့်သီးစိုက်ပျိုးသည့်လုပ်ငန်းသို့ ပြောင်းလာခြင်း ဖြစ်ကြောင်း ပြောကြားခဲ့ ပါသည်။ လွန်ခဲ့သည့် ၁၀နှစ်ခန့်က ကျွန်တော့် မိတ်ဆွေတစ်ဦးနှင့် ပင်မှည့်သီးပင်အနည်းငယ်ကို မြေ ပြုပြင် စိုက်ပျိုးခဲ့ပြီး အံ့ဩစရာကောင်းလောက်သည့် ပင်မှည့်သီးများကို ရရှိခဲ့ကြောင်း၊ ကျွန်တော်တို့ ဆက်လက် တိုးချဲ့စိုက်ပျိုးရန် စဉ်းစားခဲ့ကြောင်း၊ အပင် ၆၀၀ စိုက်ပျိုးခဲ့ပြီး မယုံကြည်နိုင်လောက် အောင်အသီးများ ရရှိခဲ့ပြီး နောက်ထပ် ၁၂၀၀ ပင် စိုက်ပျိုးခဲ့ကြောင်း၊ ၎င်းအသီးများသည် ထူးကဲပြီး နူးညံ့ချိုမွှေးသော အရသာရှိကြောင်းပြောပါသည်။

ပင်မှည့်သီးများကို နေ့စဉ်ခူးဆွတ်ကာ တစ်ပတ်လျှင် ၁.၄ တန်ခန့် ထွက်ရှိသည်။ Panama စပ်မျိုးသည် တစ်လုံးလျှင် ပျမ်းမျှ ၂၅၀ ဂရမ်ဖြစ်သည်။ ထုတ်လုပ်မှုများကို Darwin ဒေသတွင်း၌ ဈေးကွက်တင်ထားပြီး ဝယ်လိုအားများလာနေသည့် Sydney နှင့် Melbourne သို့ တင်ပို့ ရောင်းချ ပါသည်။

စိုက်ပျိုးမြေများ ထပ်မံဝယ်ယူပြီး တိုးချဲ့ဆောင်ရွက်လျက်ရှိကြောင်း၊ အပင်သစ် ၆၀၀၀ ခန့် ကို စိုက်ပျိုးလျက်ရှိကြောင်း၊ အပြည့်အ၀ စိုက်ပျိုးပြီးပါက တစ်ပတ်လျှင် ၄ တန်အထိ ထွက်ရှိနိုင် ကြောင်း မစ္စတာမွန်းက ပြောပါသည်။

ပင်မှည့်သီးများသည် အရသာရှိပြီး အခွံတောက်ပြောင်သောကြောင့် Wax coating လုပ်ရန် မလိုကြောင်း ၎င်းက ဆက်လက်ပြောပါသည်။ 

Hort Innovation ၏ အဆိုအရ သြစတြေးလျသည် ၂၀၂၃-၂၀၂၄ တွင် ပင်မှည့်သီးတန်ချိန် ၅၆၅၄ တန် ထုတ်လုပ်ခဲ့ပြီး တန်ဖိုး AU$ ၂၈.၉ သန်း (အမေရိကန်ဒေါ်လာ ၁၉.၁ သန်း) ရှိကြောင်း၊ ထုတ်လုပ်မှု၏ ၆၀% ခန့်သည် Queensland မှဖြစ်ပြီး ၀.၁% သည် Northern Territory မှ ဖြစ် ကြောင်း၊ Darwin ထုတ်လုပ်မှု တိုးလာသည်နှင့်အမျှ ထိုရှယ်ယာသည် လျင်မြန်စွာ မြင့်တက် 

လာမည်ဟု မျှော်လင့်ရကြောင်း (၂၀-၈-၂၀၂၅) ရက်နေ့တွင်ထုတ်ပြန်ခဲ့သော Fresh Plaza website ၏ သတင်းအရသိရှိရပါသည်။

Source https://www.freshplaza.com/asia/article/9757719/australia-expands-passionfruit-production-in-nt/

တင်ပြသူ ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ ဩဂုတ်လ (၂၇) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန