အိန္ဒိယနိုင်ငံ၏ ရာသီဥတုသည် မာလကာသီးစိုက်ပျိုးထုတ်လုပ်ရေးအတွက် ကောင်းမွန်သော ကြောင့် မာလကာသီးအထွက်နှုန်း မြင့်တက်သည်ဟု အိန္ဒိယ ထုတ်ကုန်တင်ပို့သူ KK Star ၏ စီးပွားရေးဖွင့်ဖြိုးတိုးတက်ရေးမန်နေဂျာ Sourabh Jaiswal က ပြောသည်။ ယခုရာသီသည် အိန္ဒိယနိုင်ငံတွင် မာလကာအထွက်နှုန်း အားကောင်းနေပြီး၊ မိုးရာသီဉတုမှာ အချိန်မှန်ရောက်ရှိ လာပြီး ရာသီဥတုကောင်းမွန်သောကြောင့် စိုက်ပျိုးသူများ၏ သစ်သီးခြံများ ရှင်သန်ဖွံ့ဖြိုးလာ ပါသည်။ ယခင်နှစ်များနှင့် နှိုင်းယှဉ်ပါက ယခုနှစ်သည် အထွက်နှုန်းများလာပြီး အသီးအရည်အသွေး ပိုမို ကောင်းမွန်လာပါသည်။ မာလကာဈေးနှုန်းသည် အပြိုင်အဆိုင်ရှိနေမည်ဟုမျှော်လင့်ပါသည်။

ထုတ်လုပ်မှုမြင့်မားသော အိန္ဒိယနိုင်ငံမှ မာလကာသီးများအပေါ်  နိုင်ငံတကာမှ ၀ယ်လိုအား လည်း မကြာသေးမီနှစ်များအတွင်း တိုးမြင့်လာကြောင်း Jaiswal မှ ပြောကြားခဲ့သည်။ “မိုးရွာသွန်းမှုကောင်းပြီး ယေဘုယျအားဖြင့် အသီးအတွက်ကောင်းမွန်သော  ရာသီဥတုအခြေအနေ ကြောင့် တစ်ဟက်တာ အထွက်နှုန်းတိုးလာစေပြီး ပြည်တွင်းနှင့် နိုင်ငံတကာဈေးကွက်နှစ်ခုစလုံး အတွက် ပိုမိုမြင့်မားသော ပမာဏကို အထောက်အပံ့ပေးနိုင်မည်ဖြစ်သည်။ လွန်ခဲ့သည့်နှစ်အနည်း ငယ်အတွင်း၊ နိုင်ငံတကာဝယ်လိုအားတသမတ်တည်း မြင့်တက်နေခြင်းသည် ပို့ကုန်လုပ်ငန်းရှင်များ နှင့် စိုက်ပျိုးသူတို့အတွက် တွန်းအားဖြစ်စေပါသည်။ အထူးသဖြင့် လူကြိုက်များလာသော ထိုင်းမျိုးကွဲများသည် ပို့ကုန်ဈေးကွက်တွင် ဆက်လက်၍ အကြိုက်များလာပါသည်။ Jaiswal က ၎င်းတို့သည် ဥရောပနှင့် အရှေ့အလယ်ပိုင်းဒေသရှိ စျေးကွက်သစ်များသို့ ၀င်ရောက်လို ကြောင်း အလေးပေးဖော်ပြခဲ့ပါသည်။ “လက်ရှိမှာ မာလကာသီးကို အဓိကတင်ပို့ရောင်းချသည့် စျေးကွက် များတွင် ဥရောပ၊ အရှေ့ အလယ်ပိုင်း၊ ယူကေနဲ့ စင်ကာပူတို့ ပါဝင်ပါသည်။ ဤဒေသများသည် အိန္ဒိယနိုင်ငံမှ အရည်အသွေးကောင်း မာလကာသီးများကို ဝယ်လိုအားအတွက် ခိုင်မာပြီး တည်ငြိမ် နေခဲ့ပါသည်။ ယခုနှစ်တွင် ဘယ်လ်ဂျီယံ၊ သြစတြီးယား၊ ချက်သမ္မတနိုင်ငံ၊ ဆော်ဒီအာရေဗျ နှင့် ကူဝိတ်နိုင်ငံတို့သို့တိုးချဲ့တင်ပို့ရန် ရည်ရွယ်ထားပါသည်။ ဈေးကွက်အသစ် များနှင့် ချိတ်ဆက်ဆောင် ရွက်မှုများကို လုပ်ဆောင်ပြီးဖြစ်ပါသည်။

ဥရောပဈေးကွက်တွင် ကြီးမားသောခြေကုပ်ရရှိရန်၊ စိုက်ပျိုးသူများအနေဖြင့် စားသုံးသူတို့ လိုအပ်သောစံနှုန်း များနှင့် ပတ်သက်၍ ပညာပေးမှုနှင့် အသိပညာများရရှိရန် လိုအပ်သည်ဟု Jaiswal က ရှင်းပြသည်။  “အထူးသဖြင့် ဥရောပဈေးကွက်တွင် ရင်ဆိုင်နေရသည့် အဓိက စိန်ခေါ်မှုများထဲမှ တစ်ခုမှာ သတ်မှတ်ထားသည့် ပိုးသတ်ဆေးဓာတ်ကြွင်းကျန်ရှိမှု လိုအပ်ချက်များ

-၈-

ပါ၀င်သည်။ ၎င်းကိုဖြေရှင်းရန်အတွက် စိုက်ပျိုးရေးစီမံခန့်ခွဲမှုဗျူဟာများကို မြှင့်တင်၍ ပုံမှန် စမ်းသပ်မှုများပြုလုပ်ကာ တောင်သူပညာပေးရေးနှင့် အသိပညာပေးရေးတို့ကို ဦးစားပေး ဆောင်ရွက်ခဲ့ပါသည်။ အဆိုပါဆောင်ရွက်မှုများသည် ထုတ်ကုန်များကို နိုင်ငံတကာ အရည်အသွေး စံချိန်စံနှုန်း များနှင့် ကိုက်ညီကြောင်း သေချာစေသည်ဟုပြောပါသည်။"

 “ရာသီဥတုသည် ဆက်လက်ကောင်းမွန်နေမည်ဆိုလျှင် ယခုရာသီမှာ မာလကာသီး မက်ထရစ် တန် ၁၃၀ မှ ၁၅၀ လောက် တင်ပို့နိုင်မည်ဖြစ်ပြီး ကျွန်ုပ်တို့၏ဖောက်သည်များကို ဝန်ဆောင်မှုပေးကာ ဖောက်သည်အသစ်များကိုကြိုဆိုရန် အဆင်သင့်ဖြစ်နေပါပြီ” ဟု Jaiswal က ပြောကြားခဲ့ကြောင်းကို (၂၀-၈-၂၀၂၅) ရက်နေ့ထုတ် Freshplaza သတင်းဆောင်းပါးအရ သိရှိရပါ သည်။

Source https://www.freshplaza.com/asia/article/9757658/favorable-weather-conditions-lead-to-higher-yields-for-guava-in-india/

တင်ပြသူ ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ ဩဂုတ်လ  (၂၇) ရက်

တည်းဖြတ်သူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန