မြန်မာနှင့် အိန္ဒိယနိုင်ငံအကြား ထောပတ်သီးတန်ဖိုးမြှင့် ထုတ်လုပ်မှု ပူးပေါင်း ဆောင် ရွက်မှုဆိုင်ရာ ဒုတိယအကြိမ် လုပ်ငန်းညှိနှိုင်းအစည်းအဝေးကို ၂၀၂၅ ခုနှစ် အောက်တိုဘာလ ၂၂ ရက်နေ့တွင် MyanTrade အစည်းအဝေးခန်းမ၌ hybrid system ဖြင့် ကျင်းပခဲ့ပြီး Myan Trade မှ ညွှန်ကြားရေးမှူးချုပ်နှင့် ကုန်သွယ်ရေးဦးစီးဌာန၊ စိုက်ပျိုးရေးဦးစီးဌာန၊ အစားအသောက်နှင့် ဆေးဝါးကွပ်ကဲရေးဌာနမှ သက်ဆိုင်ရာအရာရှိများ  ကိုးလ်ကတ္တားနှင့်  နယူးဒေလီမြို့ရှိ မြန်မာ့ စီးပွားရေးအကြံပေးပုဂ္ဂိုလ်များ၊ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုး ထုတ်လုပ်တင်ပို့သူများအသင်း၊ မြန်မာနိုင်ငံ ထောပတ်သီး စိုက်ပျိုး ထုတ်လုပ် တင်ပို့သူများအသင်းမှ ကိုယ်စားလှယ်များ အစည်းအဝေးသို့ တက်ရောက်ခဲ့ကြသည်။ 

အဆိုပါ အစည်းအဝေးတွင် Myan Trade မှ ညွှန်ကြားရေးမှူးချုပ် ဒေါက်တာ ထိန်လင်းက အဖွင့်အမှာစကား ပြောကြားခဲ့သည်။အိန္ဒိယသို့ အေးခဲထားသည့် ထောပတ်သီး တန်ချိန် ၂၀၀ တင်ပို့မှုနှင့် ပတ်သက်၍ မြန်မာနိုင်ငံ ထောပတ်သီး စိုက်ပျိုးထုတ်လုပ် တင်ပို့သူများအသင်းမှ အိန္ဒိယ သို့ နမူနာပေးပို့ခြင်းနှင့် ပတ်သက်၍ သူက မိန့်ခွန်းပြောကြားခဲ့သည်။ ထို့ပြင် ထောပတ်သီး တင်ပို့မှု ကို လွယ်ကူချောမွေ့စေရန် လိုအပ်သော အကူအညီများ ပေးအပ်ရန် အိန္ဒိယနိုင်ငံအား တောင်းဆို ထားပြီး  မြန်မာနိုင်ငံတွင်   ထောပတ်သီး ပြုပြင် ထုတ်လုပ်သည့်  စက်ရုံအသစ်တစ်ခု တည်ဆောက် ရာတွင် အိန္ဒိယနိုင်ငံ အား ရင်းနှီးမြှုပ်နှံရန် လည်း ဖိတ်ခေါ်ထားသည်။

ပြီးခဲ့သည့် သြဂုတ်လ ၁၄ ရက်နေ့တွင် မြန်မာနိုင်ငံမှ ထုတ်လုပ်သော ထောပတ်သီး၏ အရည်အသွေးနှင့် ထောပတ်သီးထွက်ရှိမှုကို အိန္ဒိယနိုင်ငံသို့ အစီရင်ခံတင်ပြခြင်းနှင့် မြန်မာနိုင်ငံတွင်   ထောပတ်သီး တန်ဖိုးမြှင့်ထုတ်လုပ်မှုတွင်   အစိုးရ-ပုဂ္ဂလိက   ပူးပေါင်းဆောင်ရွက်မှု  ရင်းနှီးမြှုပ်နှံမှု များဆိုင်ရာကိစ္စရပ်များကို ဆွေးနွေးရန် အွန်လိုင်းအစည်းအဝေးတစ်ခု ကျင်းပခဲ့ပါသည်။

Hass၊ Buccaneer နှင့် Amaya ကဲ့သို့သော ထောပတ်သီးမျိုးများကို ပြည်တွင်းတွင် ပိုလျှံသည့်အပြင် နိုင်ငံတကာဈေးကွက်များသို့ တင်ပို့လျက်ရှိသည်။ နိုင်ငံတစ်ဝှမ်းတွင် Hass ထောပတ်သီးမျိုး စိုက်ပျိုးထားသည့်ဧက ၂၀,၀၀၀ ခန့်ရှိသည်။ ပြီးခဲ့သည့်နှစ်က ထောပတ်သီး ထွက်ရှိမှုကို တန်ချိန် ၃,၀၀၀ ခန့်ရှိမည်ဟု ခန့်မှန်းထားသည်။

ယခုနှစ်တွင် အထွက်နှုန်းတိုးတက်လာမည်ဟု မျှော်မှန်းထားသည်။ ထို့အပြင် စိုက်ပျိုးရေး ဦးစီးဌာနနှင့် မြန်မာနိုင်ငံထောပတ်သီးထုတ်လုပ်သူနှင့် ပို့ကုန်လုပ်ငန်းရှင်များအသင်း (MAVO) တို့ သည် တရုတ်နိုင်ငံသို့ တရားဝင် တင်ပို့နိုင်ရန်အတွက် တွင် မှတ်ပုံတင်ရန် ကြိုးပမ်းလျက်ရှိသည်။

၂၀၂၅ ခုနှစ်၊ ဇူလိုင်လ ၁၉ ရက်နေ့တွင် ရှမ်းပြည်နယ်တောင်ပိုင်းရှိ စိုက်ပျိုးရေးဦးစီးဌာန သည် မြန်မာနိုင်ငံထောပတ်သီးထုတ်လုပ်သူနှင့် ပို့ကုန်လုပ်ငန်းရှင်များ အသင်း (MAVO) နှင့် ပူး ပေါင်း၍   GACC ၏ အကောက်ခွန် စစ်ဆေးခြင်းနှင့်  ဘေးအန္တရာယ် ကင်းရှင်းရေး စည်းမျဉ်းများ အကြောင်း အသိပညာပေးသည့် အလုပ်ရုံ ဆွေးနွေးပွဲတစ်ခုကို ထောပတ်သီးစိုက်ပျိုးသူများအတွက် ကျင်းပခဲ့သည်။

တရုတ်နိုင်ငံသို့   ထောပတ်သီးတင်ပို့ရန်အတွက်   ထောပတ်ခြံပိုင်ရှင်များသည် အတွေ့ရများ သော ဖျက်ပိုး ခြောက်မျိုးကို စမ်းသပ်ရာတွင် ပူးပေါင်းဆောင်ရွက်ရန် လိုအပ်ကြောင်း MAVO အတွင်းရေးမှူး ဦးကျော်စိုးမင်းက ပြောကြားခဲ့သည်။

MAVO ၏ ဥက္ကဋ္ဌသည် တောင်သူလယ်သမားအများပိုင်ကုမ္ပဏီတစ်ခု တည်ထောင်ခဲ့ပြီး ယခု ရာသီတွင် ထောပတ်သီးတင်ပို့ရန် စင်ကာပူ၊ မလေးရှားနှင့် ထိုင်းနိုင်ငံတို့ကို မျှော်မှန်းထားသည်။ အဖွဲ့အနေဖြင့်    စိုက်ပျိုးသူ အဖွဲ့ဝင်များနှင့်အတူ   ဓာတ်မြေဩဇာနှင့်   ပိုးသတ်ဆေး ကဲ့သို့သော စိုက်ပျိုးရေးဆိုင်ရာ သွင်းအားစုများ တင်သွင်းမှုကို အရှိန်မြှင့်တင်၍ ကူညီပေးသွားမည်ဖြစ်သည်။

ရှမ်းပြည်နယ်စိုက်ပျိုးရေးဦးစီးဌာန အကြီးအကဲက နှစ်စဉ်ထောပတ်သီးတင်ပို့မှု၊ တရုတ်၊ အိန္ဒိယ၊ ရုရှားနှင့် အရှေ့အလယ်ပိုင်းနိုင်ငံများကဲ့သို့ အလားအလာရှိသော ဈေးကွက်များ၏   ထော ပတ်သီးတင်သွင်းမှု အခြေအနေများနှင့်   ဥရောပစံချိန်စံညွှန်းနှင့်အညီ  မြန်မာနိုင်ငံ၏ ထောပတ်သီး အရည်အသွေး လိုအပ်ချက်များကိုလည်း     ရှင်းလင်း ပြောကြားခဲ့ကြောင်းကို (၂၄.၁၀.၂၀၂၅) ရက် နေ့က ဖတ်ရှုခဲ့ရသည့် Global New Light of Myanmar ၏ သတင်းဆောင်းပါး မှတစ်ဆင့် သိရှိခဲ့ရသည်။

Source https://www.gnlmcom.mm/mtpo-discusses-exportation-of-200-tonnes-of-frozen-avocado-to-india-this-season/#article-title

တင်ပြသူ ဦးဖုန်းမြတ်ဝင်းမောင်မောင်၊ လ/ထဦးစီးမှူး၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ အောက်တိုဘာလ(၂၇) ရက်

စစ်ဆေးသူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန