တရုတ်နှစ်သစ်ကူးနီးကပ်လာမှုကြောင့်   ဖရဲသီးနှင့် သခွားမွှေးသီး ဈေးနှုန်းများ   မြင့်တက် လာသည် ဟု နယ်စပ်သစ်သီးကုန်သည်များက ပြောပါသည်။ မြန်မာနိုင်ငံတွင် စိုက်ပျိုး သော ဖရဲသီး နှင့် သခွားမွှေးသီးများကို မိုင်းလားနယ်စပ် ကုန်သွယ်ရေး လမ်းကြောင်းမှ တစ်ဆင့် တရုတ်နိုင်ငံသို့ တင်ပို့လျက်ရှိပြီး ဈေးယှဉ်ပြိုင်ရောင်းချမှုများကြောင့် သစ်သီးဈေးကွက်မှာ နှေးကွေးနေသည်။

လက်ရှိတွင်  တရုတ်နှစ်သစ်ကူးရက်  နီးကပ်လာပြီဖြစ်သောကြောင့် သစ်သီးရောင်းဝယ်မှု ပြန်လည်သက်ဝင်လှုပ်ရှားလာပြီဟု ကုန်သည်များက ပြောကြားခဲ့သည်။ နှစ်သစ်ကူး နီးကပ်လာချိန် တွင် ဈေးနှုန်းများ မြင့်တက်လာလိမ့်မည်ဟု မျှော်လင့်ရပါသည်။

ဝယ်ယူသူများသည်  ထရပ်ကားအနည်းငယ်သာဝင်ရောက်သည့်အချိန်တွင် အပြိုင်အဆိုင်  ဝယ်ယူကြပြီး  ထရပ်ကား ၂၅ စီးထက်ပိုမိုဝင်ရောက်သည့်အခါတွင် ညှိနှိုင်းဝယ်ယူကြပါသည်။ သခွားမွှေးသီး ဈေးနှုန်း မြင့်တက်လာသလို ဖရဲသီး ဈေးနှုန်းလည်း မြင့်တက်လာပါသည်။

“ ဈေးနှုန်းများက  အရောင်အသွေး၊  ထုပ်ပိုးမှုနှင့် အရည်အသွေးပေါ်  မူတည်ပြီး ကွဲပြား ပါတယ်” ဟု သစ်သီးကုန်သည်တစ်ဦးက ပြောကြားခဲ့သည်။ အရည်အသွေး ကောင်းမွန်သော ဖရဲသီးများသည် ထရပ်ကားတစ်စီးလျှင် ယွမ် ၅၀,၀၀၀ ကျော် ရရှိသော်လည်း အရည်အသွေးညံ့ပြီး အရွယ်အစားသေးငယ်ပါက ဈေးနှုန်းမှာ ယွမ် ၄၀,၀၀၀ မှ ၄၈,၀၀၀ ကြားတွင် ရှိသည်။

သခွားမွှေးသီးတစ်ကီလိုဂရမ်ဈေးနှုန်းမှာ ၃.၅ ယွမ် မှ ၄ ယွမ် အကြားရှိပြီး အသီးအရည် အသွေး ပိုကောင်းပါက ၄ ယွမ် အထက်တွင်ရှိသည်။ အသီးအသွင်အပြင်ကောင်းမွန်ပြီး အရွယ်အစား ကြီးမားသော အသီးများသာ ပိုမိုမြင့်မားသော ဈေးနှုန်းရရှိနိုင်ကြောင်း ကုန်သည်များက ပြောကြား ခဲ့သည်ကို (၂၇.၁.၂၀၂၆) ရက်နေ့က ဖတ်ရှုခဲ့ရသည့် Global New Light of Myanmar ၏ သတင်းဆောင်းပါးမှတစ်ဆင့် သိရှိခဲ့ရသည်။

Source https://www.gnlm.com.mm/melon-and-muskmelon-prices-get-high-when-the-chinese-new-year-draws-near/#article-title

တင်ပြသူ ဦးဖုန်းမြတ်ဝင်းမောင်မောင်၊ လ/ထဦးစီးမှူး၊ စိုက်ပျိုးရေးဦးစီးဌာန

ရက်စွဲ ၂၀၂၆ ခုနှစ်၊ ဖေဖော်ဝါရီလ(၄)ရက်

တည်းဖြတ်သူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန