အိန္ဒိယနိုင်ငံတွင် နွေရာသီ၌နာနတ်သီးဈေးနှုန်းများ ကျဆင်းနေကြောင်း နာနတ်သီးစိုက်ပျိုး သူများထံမှ သတင်းသိရှိကြရပြီး ယင်းကာလသည်ပုံမှန်အားဖြင့် ဝယ်လိုအားမြင့်မားမှုကို အထောက် အကူပြုသည့်အချိန်ဖြစ်ပါသည်။ လက်ရှိအခြေအနေများသည် Vazhakkulam ကဲ့သို့သောအဓိက ထုတ်လုပ်သည့်ဒေသများတွင် စိုက်ပျိုးရေးကို ထိခိုက်စေပါသည်။

အတွေ့အကြုံ ၃၅ နှစ်ရှိသော စိုက်ပျိုးသူ Dominic George က အပူချိန်မြင့်မားခြင်းသည် ထုတ်လုပ်မှုအပေါ် သက်ရောက်မှုရှိကြောင်း ပြောကြားခဲ့သည်။နာနတ်သီးအတွက် လိုအပ်သော အပူချိန်မှာ ၃၂ မှ ၃၃°C အထိ ဖြစ်ပါသည်။ သို့သော် အပူချိန်မြင့်တက်လာသည်နှင့်အမျှ အသီး၏ အရွယ်အစားကို ထိခိုက်စေပါသည်။ ဈေးနှုန်းအမြဲမြင့်မားသကဲ့သို့ ဝယ်လိုအားလည်း မြင့်မားသည်။ ဒါပေမယ့် ဒီရာသီမှာတော့ အထွက်နှုန်းနည်းပြီး ဈေးနှုန်းကလည်း အံ့အားသင့်ဖွယ် အနိမ့်ဆုံးအဆင့် ကိုရောက်ရှိနေပါတယ်၎င်း  သူကပြောကြားခဲ့သည်။

အပူချိန်အခြေအနေများသည်  အသီးအရွယ်အစားနှင့် စုစုပေါင်းအထွက်ကို လျော့ကျစေ ကြောင်းစိုက်ပျိုးသူများထံမှ သတင်းသိရှိရသည်။ ရေရရှိမှုနှင့် ဆည်ရေပေးမှု အကြိမ်ရေသည်သီးနှံ အထွက်နှုန်းကို ထိခိုက်စေသည်။ ဈေးကွက်ဝယ်လိုအားလည်း ကျဆင်းလာသည်။ နာနတ်သီး စိုက်တောင်သူများအသင်းမှ ဘေဘီဂျွန်က “နာနတ်သီးကို ဟိုတယ်အမျိုးမျိုးနှင့် အမျိုးအစား အားလုံးအတွက်မရှိမဖြစ်လိုအပ်သော အသီးဖြစ်ပြီး ဖျော်ရည်ဆိုင်များတွင်လည်း ကျယ်ကျယ်ပြန့်ပြန့် အသုံးပြုကြောင်း  ဒါပေမဲ့ဟိုတယ်တွေ ပိတ်ထားရတာက ဝယ်လိုအားကို ထိခိုက်စေကြောင်းရှင်း ပြပါသည်။

အပူချိန်မြင့်မားခြင်းက သုံးစွဲမှုတိုးလာခြင်းမဟုတ်ကြောင်း သူကထပ်လောင်းပြောကြား ခဲ့သည်။ ဒါပေမယ့် ပြောင်းပြန်းအနေနဲ့ သုံးစွဲမှုလျော့ကျလာကြောင်း တွေ့ရှိရပါတယ်ဟု သူက ပြောကြားခဲ့သည်။စိုက်ပျိုးသူ ဒေသခံအရာရှိ Tony Thannittamackal က ဈေးနှုန်းများသည် ထုတ်လုပ်မှုကုန်ကျစရိတ် အဆင့်အောက်သို့ ကျဆင်းသွားကြောင်း ပြောကြားခဲ့သည်။ အရင်က တစ်ကီလိုကို ရူပီး ၆၀ (အမေရိကန်ဒေါ်လာ ၀.၇၂) ကျော်နဲ့ရခဲ့တဲ့ နာနတ်သီး ဈေးနှုန်းက အခု ရူပီး ၃၀ (အမေရိကန်ဒေါ်လာ ၀.၃၆) အထိ ကျဆင်းသွားသည်။ ဈေးနှုန်းက ရူပီး ၂၅ မှ ၃၀ (အမေရိကန်ဒေါ်လာ ၀.၃၀ မှ ၀.၃၆) အကြားမှာ ရှိနေပြီး ထုတ်လုပ်မှု ကုန်ကျစရိတ်ကိုတောင် မကာမိပါဘူး” ဟု သူက ပြောကြားခဲ့သည်။ ကုန်ကျစရိတ်များ ပြန်လည်ရရှိရန် တစ်ကီလိုဂရမ်လျှင် အနည်းဆုံး ရူပီး ၃၅ မှ ၄၀ (အမေရိကန်ဒေါ်လာ ၀.၄၂ မှ ၀.၄၈) လိုအပ်ကြောင်း သူက ဖော်ပြခဲ့ပါသည်။

လယ်ယာလုပ်ငန်းများ လျော့နည်းလာခြင်းက ရိတ်သိမ်းခြင်းလုပ်ငန်းများကို ထိခိုက် စေသည်။ အလုပ်သမားရှားပါးမှုရှိကြောင်း စိုက်ပျိုးသူများထံမှ သိရှိရပါသည်။   အလုပ်သမားများ သည် ပြည်နယ်မှထွက်ခွာခြင်း သို့မဟုတ် အပူချိန်မြင့်မားချိန်တွင် လယ်ယာလုပ်ငန်းကိုရှောင်ရှား ခြင်းများ ပြုလုပ်ကြပါသည်။ 

ထုတ်လုပ်သူများက အထွက်နှုန်းနည်းပါးခြင်းနှင့် အတူဧည့်ဝတ်ကျေပွန်မှုနှင့် ဖျော်ရည်ကဏ္ဍ များမှဝယ်လိုအား    လျော့နည်းခြင်းသည်  ဈေးကွက်အခြေအနေများကို လွှမ်းမိုးနေကြောင်း ဖော်ပြ ကြသည်ကို ၂၄.၄.၂၀၂၆ ရက်နေ့က ဖတ်ရှုခဲ့ရသည့် www.freshplaza. com သတင်းကွန်ယက်၏ ဆောင်းပါးမှတစ်ဆင့် သိရှိခဲ့ရသည်။

Source https://www.freshplaza.com/asia/article/9831585/indian-pineapple-prices-fall-below-production-costs-as-demand-drops/

တင်ပြသူ ဦးဖုန်းမြတ်ဝင်းမောင်မောင်၊ လ/ထဦးစီးမှူး၊ စိုက်ပျိုးရေးဦးစီးဌာန

ရက်စွဲ ၂၀၂၆ခုနှစ်၊ ဧပြီလ၊ ၂၈ရက်

စစ်ဆေးသူ ဒေါ်စန္ဒီဝင်း၊ ဦးစီးအရာရှိ၊ စိုက်ပျိုးရေးဦးစီးဌာန 

တည်းဖြတ်သူ ဒေါက်တာမျိုးမျိုးကြည်၊ ဒုတိယညွှန်ကြားရေးမှူး၊ စိုက်ပျိုးရေးဦးစီးဌာန