စိုက်ခင်းထဲတွင် ဗိုင်းရပ်စ်ပိုးကူးစက်မှုကြောင့် အော်ဂဲနစ် ဖရုံသခွားများ စိုက်ပျိုးရာတွင် အခက်အခဲများကြုံတွေ့နေရပြီး စီးပွားရေးလုပ်ဖော်ကိုင်ဖက်များအတွက် ထုတ်လုပ်မှုအရည်အသွေး ကို ဆက်လက်အာမခံချက်ပေးနိုင်ရန်အတွက် သင့်လျော်သောစိုက်ပျိုးရေးဆိုင်ရာ အစီအမံများဖြင့် တုံ့ပြန်ဆောင်ရွက်နေပါကြောင်း အီတလီကုမ္ပဏီ Natura Iblea ၏ ဥက္ကဋ္ဌ ဖြစ်သူ Roberto Giadone မှ ပြောကြားခဲ့ပြီး၊ အော်ဂဲနစ်အသိအမှတ်ပြု လက်မှတ်ရထားသော အော်ဂဲနစ်စိုက်ပျိုးရေး ဥယျာဉ်ခြံသီးနှံထုတ်ကုန်များကို စိုက်ပျိုးပြီး ရိတ်သိမ်းရာသီစတင်သည့်နှင့် တပြိုင်နက်စျေးကွက်သို့ ရောင်းချခဲ့ပါသည်။

    နွေရာသီကာလနှင့် ပြီးခဲ့သည့်ရက်အနည်းငယ်ကာလများအတွင်း ရာသီဥတုအခြေအနေ များကြောင့် အီတလီတောင်ပိုင်းရှိ ဖရုံသခွားများတွင်ထူးခြားသောဗိုင်းရပ်စ်ပိုးကူးစက်မှု (TLCND-ed.) ကိုဖြစ်ပေါ်စေခဲ့ကြောင်း Giadone မှ ရှင်းပြခဲ့ပါသည်။

အရည်အသွေးအမြင့်ဆုံးထုတ်ကုန်များ ကိုရရှိနိုင်ရန်၊ Natura Iblea သည် စိုက်ပျိုးရေးလုပ်ငန်းနှင့် ရိတ်သိမ်းပြီးချိန် နှစ်မျိုးလုံးအတွက် တိကျသေချာသော နည်းစနစ်အချို့ကိုအသုံးပြုခဲ့ပါသည်။ စိုက်ခင်းအတွက်မျိုးရွေးချယ်ရာတွင် ဗိုင်းရပ်စ်ပိုးမွှားကင်းစင်ပြီး မှန်ကန်သောမျိုးကွဲများကို ရွေးချယ်ရမည်ဖြစ်ပြီး ရိတ်သိမ်းပြီးနောက် အိုဇုန်းအသုံးပြုခြင်းဖြင့် နိုင်ငံတကာဈေးကွက်လိုအပ်ချက်နှင့်ကိုက်ညီသော အရည်အသွေးဖြင့် ပြည့်စုံသည့်ထုတ်ကုန်ကို ရရှိနိုင်မည်ဖြစ်သည်၊၊

    ယခုကာလအထိ နှစ်ပေါင်းများစွာကြာအောင် Natura Iblea သည် ဆွစ်ဇာလန်နိုင်ငံရှိ အော်ဂဲနစ် အသိအမှတ်ပြုလက်မှတ်ရ အော်ဂဲနစ်သီးနှံတစ်မျိုးဖြစ်သည့် ဖရုံသခွားသီးများထုတ်လုပ် မှုနှင့် ထုပ်ပိုးမှုတွင် ဥရောပဈေးကွက်၌ သိသာထင်ရှားသောနေရာတစ်ခုကိုရရှိခဲ့ပါသည်။ အဆိုပါ ကုမ္ပဏီအနေဖြင့် အောက်တိုဘာလမှ ဇွန်လအထိ ဥရောပအခြေစိုက် အရေးအပါဆုံးဖောက်သည် များထဲမှ ဝယ်ယူသူတစ်ဦးကို တစ်နှစ်လျှင် အော်ဂဲနစ်ဖရုံသခွားသီးအထုပ်ပေါင်း ၄၇၀၀,၀၀၀ ဝန်ဆောင်မှုပေးခဲ့ပါသည်။