၂၀၂၃ ခုနှစ်၊ မိုးလယ်ကာလနှင့် ဩဂုတ်လအတွက် မိုးလေဝသနှင့် ဇလဗေဒခန့်မှန်းချက်

(မြန်မာ့အသံနှင့် ရုပ်မြင်သံကြားသတင်း)

တင်ပြသူ - ဦးထက်ဝေထွန်း

မိုးလေဝသနှင့် ဇလဗေဒညွှန်ကြားမှုဦးစီးဌာန

……………………………………………………………………………....................................

မင်္ဂလာပါခင်ဗျာ -

၂၀၂၃ ခုနှစ်၊ မိုးလယ်ကာလနှင့် ဇူလိုင်လအတွက် မိုးလေဝသနဲ့ ဇလဗေဒခန့်မှန်းချက် များကို မတင်ပြမီ ပြီးခဲ့တဲ့ ဇွန်လအတွင်း မြန်မာနိုင်ငံအရပ်ရပ်မှာ ဖြစ်ပေါ်ခဲ့တဲ့ မိုးလေဝသ အခြေအနေများကို ဦးစွာပထမတင်ပြလိုပါတယ်။

အနောက်တောင်မုတ်သုံလေ ဝင်ရောက်မှုအခြေအနေကတော့ အနောက်တောင်မုတ်သုံ လေဟာ ဇွန်လ (၇)ရက်နေ့မှာ မြန်မာနိုင်ငံအလယ်ပိုင်းဒေသများ၊ ဘင်္ဂလားပင်လယ်အော်အရှေ့ အလယ်ပိုင်းနဲ့ ဘင်္ဂလားပင်လယ်အော်အရှေ့မြောက်ပိုင်းသို့လည်းကောင်း၊ (၉)ရက်နေ့မှာတော့  မြန်မာနိုင်ငံတစ်ဝှမ်းလုံးသို့ ဝင်ရောက်ခဲ့ပြီး ဖြစ်ပါတယ်။

ဘင်္ဂလားပင်လယ်အော် အခြေအနေကတော့ ပြီးခဲ့တဲ့ ဇွန်လ (၇)ရက်နေ့ မနက်ပိုင်းမှာ ဘင်္ဂလားပင်လယ်အော်အရှေ့အလယ်ပိုင်းမှာ လေဖိအားနည်းဆဲလ်တစ်ခု စတင်ဖြစ်ပေါ်ခဲ့ပြီး၊ (၉)ရက်နေ့ မွန်းလွဲပိုင်းမှာ လေဖိအားနည်းရပ်ဝန်းအဖြစ်သို့လည်းကောင်း၊ ညပိုင်းမှာအားကောင်း သော လေဖိအားနည်းရပ်ဝန်း အဖြစ်သို့လည်းကောင်း ရောက်ရှိခဲ့ပါတယ်။ (၁၁)ရက်နေ့မှာတော့ အဆိုပါ အားကောင်းသော လေဖိအားနည်းရပ်ဝန်းဟာ ဘင်္ဂလားဒေ့ရှ်နိုင်ငံ၊ အရှေ့တောင်ပိုင်းမှာ လေဖိအားနည်းရပ်ဝန်းအဖြစ်သို့ အားလျော့သွားခဲ့ပြီး ဖြစ်ပါတယ်။

 ဇွန်လ (၂၅)ရက်နေ့မှာ ဘင်္ဂလားပင်လယ်အော်အနောက်မြောက်ပိုင်းနဲ့ ယင်းနဲ့ဆက်စပ် လျက်ရှိတဲ့ အိန္ဒိယနိုင်ငံ၊ ဩရိဿပြည်နယ်မြောက်ပိုင်း-အနောက်ဘင်္ဂလားပင်လယ်ပြည်နယ် ကမ်းခြေတို့မှာ လေဖိအားနည်းရပ်ဝန်းတစ်ခု စတင်ဖြစ်ပေါ်ခဲ့ပြီး၊ အဆိုပါ လေဖိအားနည်းရပ်ဝန်း ဟာ ဇွန်လ (၂၆)ရက်နေ့မှာတော့ အိန္ဒိယနိုင်ငံ၊ ဂျက်ခန်းပြည်နယ်နဲ့ ချက်တစ်ဂတ်ပြည်နယ် မြောက်ပိုင်းတို့ကို ဖြတ်ကျော်ကာ မဒရာပရာဒေ့ရှ်ပြည်နယ်မြောက်ပိုင်းသို့ ရွေ့လျားခဲ့ပြီး တဖြည်း ဖြည်း အားလျော့သွားခဲ့ပါတယ်။

ကပ္ပလီပင်လယ်ပြင်နဲ့ ဘင်္ဂလားပင်လယ်အော်တို့မှာ မုတ်သုံလေ အားအသင့်အတင့်မှ အားကောင်းခဲ့ပါတယ်။ 

မိုးရွာသွန်းမှု အခြေအနေများမှာ ရှမ်းပြည်နယ်(အရှေ့ပိုင်း)မှာ ရွာသွန်းမြဲထက် ပိုခဲ့ပြီး၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီးနဲ့ ရခိုင်ပြည်နယ်တို့မှာ ရွာသွန်းမြဲအောက်လျော့နည်း ခဲ့ကာ၊ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(မြောက်ပိုင်းနဲ့ တောင်ပိုင်း)၊ ချင်းပြည်နယ်၊ ကယားပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ ရွာသွန်းမြဲ ခန့် မိုးထစ်ချုန်း ရွာသွန်းခဲ့ပါတယ်။ 

မိုးရွာရက်များ အနေနဲ့ကလည်း နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီးနဲ့ ကယားပြည်နယ်တို့မှာ (၇)ရက်မှ (၁၄)ရက်၊ စစ်ကိုင်းတိုင်းဒေသကြီး အထက်ပိုင်း၊ မကွေးတိုင်းဒေသကြီး၊ ပဲခူးတိုင်းဒေသကြီး(အနောက်ပိုင်း)၊ ကချင်ပြည်နယ်၊ ရှမ်း ပြည်နယ်နဲ့ ချင်းပြည်နယ်တို့မှာ (၁၇)ရက်မှ (၂၁)ရက်နဲ့ ပဲခူးတိုင်းဒေသကြီး(အရှေ့ပိုင်း)၊ ရန်ကုန် တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်၊ ကရင်ပြည် နယ်နဲ့ မွန်ပြည်နယ်တို့မှာ (၂၄)ရက်မှ (၂၉)ရက် မိုးထစ်ချုန်း ရွာသွန်းခဲ့ပါတယ်။

မိုးရေချိန်စံချိန်သစ် အနေနဲ့ကတော့ ဇွန်လ(၂၅)ရက်နေ့မှာ ပြင်ဦးလွင်မြို့မှာ မိုးရေချိန် စံချိန်သစ် တင်ခဲ့ပါတယ်။

အနိမ့်ဆုံးအပူချိန် စံချိန်သစ် အနေနဲ့ကတော့ ဇွန်လ (၁၅)ရက်နေ့မှာ သိမ်ဇရပ်မြို့မှာ အနိမ့်ဆုံး အပူချိန်စံချိန်သစ် တင်ခဲ့ပါတယ်။