(က) သီးနှံပိုးမွှားရောဂါကာကွယ်ရေးအား ဘက်စုံသီးနှံကာကွယ်ရေးစနစ်ဖြင့် အခြေခံ ဆောင်ရွက်ရန်နှင့် သီးနှံတစ်ခုစီအလိုက် ဘက်စုံသီးနှံကာကွယ်ရေးပုံစံများ ချမှတ် ဆောင်ရွက်ရန်

(ခ) ခေတ်မီ သီးနှံကာကွယ်ရေး နည်းစနစ်များကို တောင်သူများ လက်ဝယ်အရောက် ပညာပေးခြင်း ဆောင်ရွက်ရန်

(ဂ) သီးနှံကာကွယ်ရေးဆိုင်ရာ ဓါတုပစ္စည်းများကြောင့် ပတ်ဝန်းကျင်ညစ်ညမ်းမှု စားသုံးသူများနှင့်အသုံးပြုသူများ၏ကျန်းမာရေးထိခိုက်မှုများထိန်းသိမ်း ဆောင်ရွက်ရန်

(ဃ) အပြည်ပြည်ဆိုင်ရာ သီးနှံကာကွယ်ရေးစံချိန်စံညွှန်းနှင့်အညီ စိုက်ပျိုးရေးထွက်ကုန် များကို တင်ပို့/တင်သွင်းခြင်း ဆောင်ရွက်ရန်

(င) ပိုးသတ်ဆေးဥပဒေဆိုင်ရာလုပ်ငန်းများ ဆောင်ရွက်ရန်

(စ) အပင်ပိုးမွှားကာကွယ်သည့်ဥပဒေဆိုင်ရာ လုပ်ငန်းများဆောင်ရွက်ရာတွင် အမျိုးသား သီးနှံကာကွယ်ရေးအဖွဲ့အဖြစ် တာဝန်ယူဆောင်ရွက်ရန်

(ဆ) ပိုးသတ်ဆေးဥပဒေနှင့်အပင်ပိုးမွှားကာကွယ်သည့်ဥပဒေအရအခြားဝန်ကြီးဌာနများ၊ ပုဂ္ဂလိက လုပ်ငန်းရှင်များနှင့် ကုန်သွယ်မှုတွင် လုပ်ငန်းစဉ်တစ်လျှောက် ပါဝင်ပတ်သက်နေသူများကို ဆက်သွယ်ဆောင်ရွက်ရသောလုပ်ငန်းများအား တာဝန်ခံ ကြီးကြပ်ဆောင်ရွက်ရန်

(ဇ) လက်မှတ်ရ ပိုးသတ်ဆေးကိုင်တွယ်သုံးစွဲသူ သင်တန်းအား ကြီးကြပ်ဖွင့်လှစ်ပေးခြင်း ဆောင်ရွက်ရန်

(ဈ) ပြဌာန်းထားသော ဥပဒေများနှင့်အညီ အရည်အသွေးပြည့်မီသော စိုက်ပျိုးရေးသုံး ပိုးသတ်ဆေးများ တင်သွင်းဖြန့်ဖြူးခြင်းအား ကြီးကြပ်ထိန်းသိမ်းခြင်း ဆောင်ရွက်ရန်

(ည) ခြံ(၁)ခြံ၊ ပိုးသတ်ဆေးစက်ရုံ(၅)ခု၊ ပိုးထိန်းချုပ်ရေးစခန်း(၂၂)ခု၊ ဓါတ်ခွဲခန်း(၆)ခု၊ စဉ့်ကိုင် ပလိပ် ကြွက်သတ်ဆေးဓါတ်ခွဲခန်း၊ စဉ့်ကိုင်ဇီဝဓါတ်ခွဲခန်း၊ မန္တလေးသီးနှံကာကွယ်ရေး ဓါတ်ခွဲခန်း၊ မန္တလေး Food Safety ဓါတ်ခွဲခန်း၊ ညောင်ဦး Food Safety ဓါတ်ခွဲခန်းများ၊ နေပြည်တော် Quarantine ဓါတ်ခွဲခန်း၊နေပြည်တော် Food Safety ဓါတ်ခွဲခန်းတို့၏ လုပ်ငန်းများအောင်မြင်ရေးကြီးကြပ်ဆောင်ရွက်ရန်

(ဋ) ပုဂ္ဂလိက ပိုးသတ်မှိုင်းတိုက်အဖွဲ့အစည်းများကို ကြီးကြပ်ကွပ်ကဲရန်